[占星預測技術 - 案例分享] 從Johnny Depp案例淺談 小限法

近日Johnny Depp 同Amber Heard 既官司終於有結果了, 恭喜Johnny Depp 勝訴

網上好多分析佢本命盤既文章，所以我唔湊熱鬧啦

如果有參加上年年底既流年工作坊既朋友，應該會記得當時我分享既流年預測技術 - 小限法

係一種以出生日期作為界線, 由第一宮開始, 每年一個宮位推進. 找出年度主星既方法，然後可以透過呢個主星既行運來睇吓呢一年既運程走勢如何。

拿Johnny Depp 為例，佢今年（未過生日前）行11宮運，佢既11宮係雙子座由水星守護，所以今年任何水星有關既行運/任何行星經過本命盤既水星，都會為佢帶來影響

- 11宮同朋友/團體/群眾有關，呢段時間大眾對佢既支持，雖然之前被換角，但患難見真情，身邊既朋友出手幫佢，比如：Robert Downey Jr. 邀請佢拍戲。

- 2018年時Amber Heard既一篇家暴文章而令佢身敗名裂，呢年佢行緊既係7-8宮既主題，7宮同另一半有關，8宮係個不被看見既宮位，會同黑暗/隱藏/潛在既心理黑暗面有關，似乎都被強調左出來

- 今年4月20日開庭既案件，當日太陽準合本命盤既天頂，而且剛好佢經歷緊第二次既土星回歸，同時亦觸發左本命盤中既 土金水 相位，而土星守護佢7宮，可以話係要正視同解決另一半有關既問題了，正如佢既公開信中表明既「從一開始就係為左真相」

- 5月16日既天蠍座月蝕，剛好發生係金牛座-天蠍座軸線既26度位置，同佢本命金水準合相。 日月蝕帶有為事物帶來 開始/結束 既含意，而且月蝕將之前既事物release 出來，都好符合最近呢段時間，將真相爆光出來, 為成件事畫上句號。

- 有留意開占星既朋友都知，最近水星逆行呀，但係你會發現，對每個人來講，唔一定次次水逆都有影響, 但係對於Jonny Depp 來講，今年既年度主星係水星呀, 所以水逆既佢既影響都會比較明顯，重新回顧過去，理清返成件事，至於有無講錯野？ 似乎Amber Heard 嚴重啲

- 最近幾日水星停滯中，一般來講，停頓期間既影響力會比逆行時更明顯，而且會同佢本命金星水星合相，終於迎來遲到既justice 啦
金星守護佢既事業宮，希望之後佢既事業可以重新順行返。

正如佢既信中提到既 “The Best is yet to come and a new chapter has finally begun.”

* 題外話：Johnny Depp 既金星同水星合左恆星 大陵五，即係美杜沙既頭, 我一下子覺得同呢件事既好有連結 (受女性影響, 被絕聲, 帶來災難)

（Kammy 心裡話）
話說：Amber Heard 敗訴後，發表聲明，覺得成件事係對於女權既倒退。
但我覺得所謂既平權，應該係就事論事，不論當事人既性別，都可以站係同樣既高度，得到平等對待。
目前大部分既家暴案件，女性受害人既數量係比男性高，但唔代表男性就唔可以係受害人。